छोटो समयमा सम्पन्न गर्ने गरी आइपीएलको तयारी

खेलकुद समाचार

सर्लाही: भारतको चर्चित इण्डियन प्रिमियर लिग (आइपीएल) छोटो समयमा सम्पन्न गर्ने गरी तयारी सुरू भएको छ ।

कोरोना भाइरसको महामारीका कारण स्थगित भएको आइपीएलको आयोजना बारे तयारी सुरू भएको हो ।

भारतीय क्रिकेट बोर्ड (बीसीसीआई) कम समयमा धेरै खेल खेलाउँदै प्रतियोगिता सम्पन्न गर्ने योजनामा छ । भारतीय सञ्चार माध्यमका अनुसार आइपीएलको कोराना महामारीकाबीच पनि यो संस्करण कसरी गर्ने आयोजना गर्ने भन्ने विषयमा बीसीसीआई नियमित छलफलमा छ ।

बोर्डका एक अधिकारीका अनुसार खेल कहिले सुरू हुन्छ अझै भन्न सक्ने अबस्था छैन । बीसीसीआई कोरोनाको कारण रोकिएका क्रिकेट सिरिजमा सहभागिताका लागि २ टोली बनाउने योजनामा छ ।

एउटाले टेष्ट श्रृंखला र अर्कोले छोटो फर्म्याटका श्रृङखला खेल्ने बताइएको छ । कोरोनाका कारण रोकिएका खेल कसरी सञ्चालन गर्ने भनेर केही दिन अघि बीसीसीआईले अनलाईन बैठक गरेको थियो । बैठकमा अब २ टोली निर्माण गरेर अघिबढ्नुपर्ने माग उठेको थियो ।

दुई टोली मध्ये एकले टेष्ट च्याम्पियनशीप र अर्कोले घरेलु क्रिकेटमा सहभागिता जनाउने योजना बनाउन बैठकमा धेरैले प्रस्ताव गरेका थिए । सोही अनुसार बीसीसीआई आईपीएल सम्पन्न गर्न दुई टोली बनाएर अघि बढ्ने बिषयमा छलफलमा लागेको हो ।

Leave a Reply

Your email address will not be published. Required fields are marked *