सर्लाहीको बरहथवामा थप ३५ जनामा कोरोना संक्रमण

कोरोना विशेष समाचार

३२ साउन सर्लाही: सर्लाहीको  बरहथवा नगरपालिकामा थप ३५ जनामा कोरोना संक्रमण पुष्टि भएको छ।
बरहथवाबाट गएको शनिबार ३०८ जनाको थ्रोट स्वाब संकलन गरि  परीक्षणका लागि वीरगंज पठाईएको थियो । त्यहाँ परीक्षण गर्दा  धेरैजनाको पोजेटिभ रिपोर्ट आएपछि सबैजनाको स्वाब पुनः परीक्षणका लागि काठमाडौंको टेकु पठाईएको थियो । साउन ३१ गते शनिबार राती आएको जानकारी अनुसार ९० जनाको परीक्षण सकिँदा सम्म ३५ जनामा कोरोना भाईरस पोजेटिभ देखिएको प्राथमिक स्वास्थ्य केन्द्र बरहथवाका जनस्वास्थ्य अधिकृत सत्यनारायण रायले जानकारी दिए । बरहथवा नगरपालिका क्षेत्रमा हालसम्म  १०० जनाभन्दा बढीमा कोरोना भाईरस संक्रमण पुष्टि भइसकेको रायले बताए ।समुदाय स्तरमा  कोरोना भाईरस छिरिसकेकोले  बरहथवा नगरपालिका क्षेत्रलाई पूर्ण रुपले सिल नगरे स्थिती अझ भयावह हुने जानकारहरुले बताएका छन् ।

Leave a Reply

Your email address will not be published. Required fields are marked *