सर्लाहीमा घरको छतबाट लडेर एक पुरुषको मृत्यु

दुर्घटना समाचार

७ साउन सर्लाही: सर्लाहीको इश्वरपुर नगरपालिकामा  घरको छतबाट लडेर एक पुरुषको मृत्यु भएको छ।
मृत्यु हुनेमा हरिपुर  नगरपालिका वडा न-२ बस्ने ४० वर्षिय धनबहादुर श्रेष्ठ रहेको जिल्ला प्रहरी कार्यालय सर्लाहीका प्रवक्ता एवं डिएसपी मदन कुवँरले  जनाएको छ। प्रहरीका अनुसार इश्वरपुर न.पा वडा न-३ स्थित स्थानीय सुर्य कुमार श्रेष्ठको घरको छतमा  सुतिरहेको अवस्थामा अचानक तल खसेर घाइते भएका श्रेष्ठलाई उपचारको लागि लालबन्दी स्थित मोडेल अस्पतालमा लगेको तर त्यहाँ उपचार सम्भव नभएपछि जनकपुरमा रहेको दरभंगा सिटिस्क्यान सेन्टरमा जँचाएर थप उपचारका लागि काठमाडौं लाँदै गर्दा बाटोमै मृत्यु भएको डिएसपी कुवँरले बताए । मृतक श्रेष्ठ विगत ४/५ वर्षदेखि सुर्य कुमार श्रेष्ठको घरमा सहयोगीको रुपमा बस्दै आएका थिए ।मृतको शव पोस्टमार्टमका लागि जिल्ला अस्पताल मलंगवामा राखिएको प्रहरीले जनाएको छ ।

Leave a Reply

Your email address will not be published. Required fields are marked *